पाठेघरको मुख क्यान्सरविरुद्धको एचपीभी खोपबारे जानकारी
भाई बहिनिहरु, तपाईहरुले अहिले एचपीभी खोपको बारेमा सामाजिक सञ्जाल, पत्रपत्रिका, टेलिभिजनमा सुनिरहनु भएको होला ।
सरकारले गत वर्ष भदौमा किशोरीलाई पाठेघर मुखको क्यान्सरविरुद्धको ‘एचपीभी’ निःशुल्क दिन सुरु गर्यो । गत भदौमा सरकारले सातै प्रदेशका केन्द्रीय अस्पतालबाट १४ वर्ष पूरा भएका र १५ वर्ष नकटेका १० हजार किशोरीलाई एचपीभी खोप दिइएको थियो ।
अहिले सरकारले यही माघ २२ देखि फागुन ६ गतेसम्म देशभरि कक्षा ६ देखि १० सम्म र विद्यालय बाहिर रहेका १० देखि १४ वर्ष उमेर समूहका १६ लाख ८८ हजार नौ सय किशोरीलाई खोप लगाउने गरि तयारी गरिरहेको छ । ‘भ्याक्सिन र खोपका लागि ग्लोबल एलायन्स’ (गाभी)को सहयोगमा एचपीभी खोप नेपाल आएपछि सबै प्रदेशमा खोप पठाइएको स्वास्थ्य सेवा विभागको आपूर्ति व्यवस्थापन महाशाखाका निर्देशक डाक्टर पवनजङ्ग रायमाझीले जानकारी दिनुभयो । भ्याक्सिन र खोपका लागि ग्लोबल एलायन्स’ (गाभी) ले नेपाललाई प्रदान गरेको १७ लाख ७० हजार २० मात्रा खोप नेपाल आइसकेको छ ।
हामिले एचपीभी खोपको बारेका भाईबहिनिहरु लाई केहि जानकारी यहाँ प्रस्तुत गरेका छौं ।
एचपीभी खोप के हो ?
पाठेघरको मुखको क्यान्सरविरुद्घ लगाइने खोपलाई हृयुमन प्यापुलोना भाइरस अर्थात् ९एचपीभी० खोप भनिन्छ ।
एचपीभी खोप किन लगाउने ?
– पाठेघरको मुख क्यान्सर लगायत एचपीभी भाइरसका कारण लाग्ने अन्य रोगबाट बच्न
– महिलामा सबैभन्दा बढी सताउने पाठेघरको मुखको क्यान्सर लाग्न नदिन
एचपीभी खोप कसले लगाउने ?
– जति कम उमेरमा लगायो, त्यति राम्रो
– ९ देखि १४ वर्ष उमेर समूहमा सबैभन्दा प्रभावकारी
– वयस्क महिलाले पनि चिकित्सकको सल्लाहअनुसार लगाउन सक्ने
एचपीभी खोप कहाँ पाइन्छ ?
यो खोप निजी अस्पतालमा लगाउन सकिन्छ । हाल सरकारले सो खोप कार्यक्रम अभियानमार्फत निःशुल्क उपलब्ध गराउँदैछ
एचपीभी खोप निःशुल्क खोप कसका लागि ?
– कक्षा ६ देखि १० सम्मका छात्रा, विद्यालय नजाने भए १० देखि १४ वर्ष उमेर समूहका किशोरी
एचपीभी खोप अभियान कहिलेबाट ?
– माघ २३ गतेदेखि फागुन ६ गतेसम्म गरी १५ दिन चल्ने ।
कुन कम्पनीको खोप दिइँदैछ ?
– नेपालमा हाल चीनमा बनेको सिकोलिन ब्राण्डको खोप उपलब्ध दिइने तयारी गरिएको छ ।
एचपीभी खोप कति मात्रा लगाउनुपर्छ ?
– यो खोप एकपटक लगाए पुग्छ ।
यो खोप कति प्रभावकारी ?
– यो खोप ९१ प्रतिशत प्रभावकारी हुने दाबी गरिएको छ । यौन जीवनमा सक्रिय हुनुपूर्व लगाउन सके शतप्रतिशत सुरक्षित राख्छ ।
एचपीभी खोप कहाँ लगाउन पाइन्छ ?
– सातवटै प्रदेशमा रहेका सरकारी तथा निजी विद्यालय र नजिकैको स्वास्थ्य संस्थामा लगाउन पाइन्छ ।
एचपीभी खोप व्यक्तिगत रुपमा लगाउन पाइन्छ ?
– यो खोप अभियानको दायरामा नपर्ने महिलाले निजी अस्पतालमा गएर लगाउन पाउँछन् ।
एचपीभी खोप लगाउन कति खर्च लाग्छ ?
– नेपालमा एचपीभी खोपको मूल्य निजी क्षेत्रमा तीन हजारदेखि १० हजार रुपैयाँसम्म पर्न सक्छ ।
एचपीभी खोप नलगाउँदा के हुन्छ ?
– यदि खोप लगाइएन भने एचपीभी भाइरसको संक्रमण भई पाठेघरको मुखको क्यान्सरको जोखिम हुनसक्छ । हरेक वर्ष नेपालमा पाठेघर मुखको क्यान्सरबाट वार्षिक दुई हजारको मृत्यु हुने गरेको छ ।
यो खोप मेडिकल ट्रायलका लागि त हैन नि ?
नेपालमा एचपीभी खोप स्वास्थ्य मन्त्रालय र विश्व स्वास्थ्य संगठनको सहकार्यमा पाठेघरको क्यान्सरबाट बचाउन कार्यक्रम अन्तर्गत प्रदान हुन लागेको भरपर्दो खोप हो ।
