अक्कलमानले बालबालिकालाई अब युट्युबमै स्वरमाला सिकाउने

कोरोनाको महामारीले नेपालमा लकडाउन भएको दुई महिना नाघेको छ । लकडाउनमा अहिले सबैलाई दिन कटाउने माध्यम बनेको छ स्र्माट फोन र कम्प्युटर । लामो समय सम्म लकडाउन हुदा साना साना बालबालिकाहरु देखि अभिभावकहरु सम्मले दिनकटाउन त्यौ स्र्माट फोन र कम्प्युटरको सहारा लिनु परेको छ ।

बालबालिकाहरु यसरी लामो समय घरमै हुदा कतै छोरा छोरीले पढ्नै भुल्ने हुन की भन्ने पिर अभिभावकलाई परेको छ । तर अब भने साना साना बाबु नानीहरुले घरमै बसेर नेपाली भाषा सिक्न पाउने भएका छन् ।

बालबालिकाहरु लाई विभिन्न संगीतिक साम्रागी प्रदान गर्दा आएको नेपालयले संगीतकार तथा गीतकार आभासँंगको सहकार्यमा वर्णमाला र स्वरमालाको सांगीतिक रचना तयार गरेको छ ।

बालबालिकाहरुलाई घरमै बसेर नेपाली भाषा सिक्न सजिलो होस् भन्ने उद्देश्यले नेपालयले संगीतकार तथा गीतकार आभासँंगको सहकार्यमा स्वर संसारमा अक्कलमान नामक स्वरमालाको सांगीतिक कोसेली ल्याएको छ । स्वरमाला अथवा अ, आ, इ, ई लाई आधार बनाएर बनेको गीति कार्टुन युट्युबमा हेर्न सकिन्छ ।

नेपालयले यस अघि बालबालिकाको निम्ति उपहार स्वरुप वर्णमाला (व्यन्जन) सार्वजनिक गरेको थियो । नेपाली भाषा सिक्न चाहने संसारभरका नेपाली बालबालिकालाई केन्द्रमा राखेर वर्णमाला र स्वरमालाका साथै बालबालिकाका निम्ति उपयुक्त गीति रचनाहरूमा थप काम भइरहेको नेपालयका किरण कृष्ण श्रेष्ठले जानकारी दिनुभयो ।

वर्णमालामा चर्चित गायिकाहरु (मीना निरौला र बेनुका राई)ले स्वर दिएका छन् । स्वरमालामा भने रचनाकार तथा संगीतकार आभासकै स्वर रहेको छ ।