बाल हेल्पलाइन सञ्चालनको लागि आवेदन खुल्यो
राष्ट्रिय बाल अधिकार परिषदले बाल हेल्पलाइन नम्बर १०९८ सञ्चालनका लागि सामाजिक संघसंस्था हरुलाई आवेदन खुल्ला गरेको छ । परिषदले भाद्र ११ गते एक सुचना जारी गर्दै आवेदन माग गरेको हो। बाल हेल्पलाइनले जोखिममा परेका बालबालिकाहरुको आकास्मिक उद्धार गरी राहत, मनोविमर्श, परामर्श, अल्पकालीन आश्रय तथा संरक्षण, पारिवारिक पुन:मिलन, सामाजिक तथा संस्थागत पुनःस्थापन सम्बन्धि काम गर्दै अाएकाे छ ।
बाल हेल्पलाइनको १०९८ नम्बर सञ्चालकका लागि प्रदेश नम्बर २ र रुपन्देही जिल्लामा रहनेगरी संस्थाहरुले आवेदन दिन सक्ने राष्ट्रिय बाल अधिकार परिषदले जनाएको छ । बाल हेल्पलाइन १०९८ नेपाल सञ्चालन कार्यविधि २०७६ बमोजिम योग्यता पुगेका संस्थाले सम्बन्धित स्थानीय तह र प्रदेश सामाजिक विकास मन्त्रालयको सिफारिस सहित आवेदन दिनुपर्ने उल्लेख गरिएको छ । बाल हेल्पलाइन सञ्चालनको अनुमतिका लागि हाल बाल हेल्पलाइन सञ्चालन गरिरहेका तथा नयाँ दुवै किसिमका संस्थाहरुले आवेदन दिन सक्नेछन् । आवेदन यहि भाद्र मसान्तसम्म पठाईसक्नु पर्ने परिषदले जनाएको छ ।
थप जानकारीको लागि परिषद्को वेवसाइट हेर्न सक्नुहुनेछ ।
बाल हेल्पलाइन नम्बर १०९८ नेपाल सञ्चालन कार्यविधि २०७६ यहाँ बाट प्राप्त गर्न सक्नुहुनेछ ।
