विद्यार्थीलाई ल्यापटप किन्न ८० हजार ऋण दिने
सरकारले १६ वर्षभन्दा माथि उमेरका विद्यार्थीलाई ल्यापटप किन्न ८० हजार रूपैयाँसम्म ऋण दिने भएकाे छ ।
कोरोना महामारीको समयमा विद्यार्थीहरु वौकल्पिक माध्यमबाट अध्ययन गरिरहेका छन् । ईन्टरनेट र ल्यापटप अहिले विद्यार्थीको लागि अत्यावश्यक भएको छ । यो कुरालाई सरकारले सम्बोधन गर्न यस्तो नीति ल्याएको हो ।
आर्थिक वर्ष २०७८/७९ को बजेट प्रस्तुत गर्दै अर्थमन्त्री विष्णुप्रसाद पौडेलले यस्तो व्यवस्था गरिने घोषणा गर्नुभएको छ ।
यस्तो ऋणको व्याजदर १ प्रतिशत रहने छ । विद्यार्थीले २ वर्षभित्र याे ऋण तिर्नुपर्नेछ । सो सुविधा सामुदायिक विद्यालय तथा कलेजमा अध्ययन गर्ने विद्यार्थीहरुले पाउने छन् ।
१६ वर्षमाथिका विद्यार्थीलाई एक थान सिमकार्ड निः शुल्क समेत वितरण गर्ने अर्थ मन्त्रीले घोषणा गर्नुभएको छ ।
