कोभिड अस्पतालको २० प्रतिशत शैया बालबालिकाको लागि, बालमैत्री बन्दै सरकार
अहिले नेपालमा कोभिडको द्रोसो लहर चलिरहेको छ । पहिलो लहरमा भन्दा दोस्रो लहरमा बालबालिकाहरू बढीमात्रामा संक्रमित भइरहेका छन् । बालबालिकाहरूको लागि छुट्टै विशेष अस्पतालमा नभएको अवस्थामा सरकारले हरेक कोभिड अस्पतालको बिस प्रतिशत शैया कोभिड संक्रमित बालबालिकाको लागि छुट्याउने भएको छ ।
स्वास्थ्य तथा जनसंख्या मन्त्रालयले शुक्रबार परिपत्र गर्दै निर्देशन दिएको हो मन्त्रालयले भनेको छ कोभिड -१ ९ को प्रथम लहर नियन्त्रण उन्मुख हुदै गएको अवस्थामा पुनः दोश्रो लहरले स्वास्थ्य क्षेत्रलाई अस्तव्यस्त बनाउदा सवैको अथक मेहनत र प्रयासले अवस्था कावु भित्रै रहन पुगेको छ । प्रथम लहर र दोश्रो लहरले अत्याधिक मात्रामा प्रौढ र युवाहरु संक्रमित भएको हुँदा व्यवस्थापन सम्बन्धि तयारि प्रौढ र युवा लक्षित मात्र हुन पुगेको छ । दोश्रो लहर जस्तै पुनः तेश्रो , चौथो लहर आउन सक्ने र त्यसवेला वालवालिका बढी मात्रामा संक्रमित हुन सक्ने अवस्थालाई मध्य नजर गर्दै आफ्नो स्वीकृत शैयाको कम्तिमा २० शैया कोभिड १ ९ संक्रमित वालवालिकाको उपचारमा प्रयोग हुने गरी तयारि अवस्थामा राख्नुहुन अनुरोध छ ।
बालबालिकाको क्षेत्रमा क्रियाशील व्यक्तिहरुले सरकारको यस निर्णयलाई स्वागतम गरेका छन् । राज्य बालबालिकाहरू प्रति थप जिम्मेवारी बन्दै गएको र अब छिट्टै बालमैत्री नेपालको सपना साकार हुने तर्फ अगाडी वढेको बताएका छन् ।
