नेपाल बालसाहित्य समाज र नेपाल प्रज्ञा-प्रतिष्ठानको संयुक्त आयोजनामा माघ २० देखि २४ सम्म "बालपुस्तक प्रदर्शनी र उपत्यकाव्यापी स्थलगत विद्यालय स्तरीय कथालेखन प्रतियोगिता" आयोजना गरिने भएको छ।

गत वर्ष दुवै संस्थाको संयुक्त पहलमा पहिलोपटक यसप्रकारको प्रदर्शनी र प्रतियोगिता सफलतापूर्वक सम्पन्न भएको थियो। यस वर्ष पनि कार्यक्रमलाई थप प्रभावकारी र बालमैत्री बनाउन विविध गतिविधिहरू समावेश गरिनेछ। बालबालिकामा सिर्जनात्मक लेखन र पुस्तकप्रतिको रुचि बढाउने साथै उनीहरूको प्रतिभा प्रस्फुटनका लागि यो कार्यक्रम आयोजना गरिएको हो।